Бидний тухай

Манай дэлгүүр 2014 оноос хойш бялуу, нарийн боов, төрсөн өдрийн хэрэгсэл, сав баглаа боодлын бөөний болон жижиглэн худалдааны чиглэлээр үйл ажиллагаа явуулж, өдгөө 11 дэх жилдээ амжилттай ажиллаж байна.

Tuul's Kitchen-ий үүсгэн байгуулагч Б.Алтантуул нь 2013 оноос бялуу, нарийн боовыг захиалгаар хийж эхэлсэн бөгөөд энэхүү хоббигоо бизнес болгон хөгжүүлж, анхны Facebook хуудсаа нээж байсан түүхтэй. 2014-2016 оны хооронд МҮОНРТ-ийн "Өглөө" хөтөлбөрт бялуу, нарийн боовны нэвтрүүлгийг хөтлөн явуулж, олон мянган үзэгчдэд нарийн боовны урлаг, технологийн талаар мэдлэг түгээж байв.

2014-2020 оны хооронд Улаанбаатар хот болон Дархан, Эрдэнэт, Дорнод, Ховд, Баян-Өлгий зэрэг нийт 11 аймагт уригдан сургалт зохион байгуулж, мэргэжлийн ур чадвараа бусдад түгээж ирсэн. Түүний сургалтад хамрагдсан олон хүн өөрийн бизнесээ эхлүүлж, бялуу, нарийн боовны урлагт дуртай болж, амжилттай ажиллаж буй нь бидний бахархал юм.

2019 оноос хойш баяр ёслолын чимэглэл хэрэгсэл, сав баглаа боодлын чиглэлээр үйл ажиллагаагаа улам өргөжүүлж харилцагч, үйлчлүүлэгчдэдээ өргөн сонголт бүхий бүтээгдэхүүн, чанартай үйлчилгээг хүргэхийг зорьсоор байна. Бидний эрхэм зорилго бол хэрэглэгчдэдээ хамгийн чанартай бүтээгдэхүүнийг хүргэж, тэдний баярт мөчийг улам чимэх явдал юм.